Información e Referencia

INFORMACIÓN E ATENCIÓN AO USUARIO

 A Biblioteca informará ao usuario/a sobre a propia universidade, a biblioteca e os seus servizos e axudará a buscar información sobre calquera tema que sexa de interés para o usuario e a súa investigación. Tamén ofrece información sobre

 

-          Normas, deberes e dereitos dos usuarios

-          Organización da biblioteca

-          Búsqueda e localización dos fondos documentais: catálogo  guía de uso

-          Acceso a Internet, buscadores, utilización de ferramentas da web social (blogs, wikis, flickr…)

-          Utilización e consulta de recursos electrónicos (portais de información, revistas electrónicas, bases de datos)
Utilización dos lectores de libro electrónico (e-readers).

-          Xestión de citas bibliográficas e creación de bibliografías sobre un tema determinado.

-          Legislación estatal e autonómica, con acceso ao BOE, DOG, BOP e outros boletíns do estado.

-          Normativa e patentes.  

-          Propiedade intelectual.

-    Lexislación sobre propiedade intelectual

-    Copyright e Creative Commons

-          Cómo conseguir maior visibilidade cos teus traballos científicos.

-          Cómo crear alertas informativas (email e RSS)

-       Como solicitar a compra dun libro

-       Ferramentas útis da web social

 

Además a Biblioteca ofrece un servizo de búsquedas bibliográficas sobre unha materia determinada nos distintos recursos electrónicos suscritos. A solicitude pódese facer persoalmente, por correo electrónico ou por teléfono.

 

Como podo buscar un libro?

No noso catálogo. Podes buscar por título, autor, materia, unha palabra clave ou ben a signatura (código de localización do libro).

 

Unha vez que aparece no catálogo, como sei onde está na biblioteca?

Tes que comprobar en qué biblioteca está, se o código é EDU, estará na nosa, nese caso apuntarás a signatura e o buscarás nas estanterías. A Biblioteca está en libre acceso, o cal quere decir que é o propio usuario o que accede ao libro, sen necesidade de que o bibliotecario/a llo busque. Cada materia correspóndese cun código alfabético ou alfanumérico ao que lle segue un número (é a signatura). En varios puntos da biblioteca hai un plano de localización das signaturas.

 

Como podo buscar unha revista?

As revistas están na Hemeroteca, na planta superior, entre a entrada e o mostrador de información. No catálogo aparece a signatura, que se corresponden co número de estantería. Na hemeroteca terás ademáis unha listaxe alfabética impresa coas signaturas de cada título. Podes consultar tamén a nosa listaxe electrónica na que están tanto a s revistas en papel como as electrónicas, as que recibimos actualmente e as que xa non recibimos. Se o que queres é buscar unha revista electrónica utiliza o metabuscador Pórtico.

 

Como podo buscar un artigo de revista?

Buscando nas bases de datos que temos subscritas.

 

Non sei cómo funciona Internet, buscar nos buscadores, podedes axudarme?

Pregunta ao bibliotecario/a, pode axudarte. Tamén podes apuntarte ás formacións que ofrecemos, seguro que aprenderás moitas cousas útis e mellorarán os teus resultados académicos.
 

Aínda que hai moitos buscadores en internet debes inclinarte polos buscadores académicos como google scholar ou Scirus.
 

Buscadores Académicos
View SlideShare presentation or Upload your own. (tags: scirus scholar)

 

 

Quero publicar un artigo, e non sei qué revistas teñen mayor prestixio.

Podes buscar na base de datos JCR, IN-RECS, SCImago Journal Rank (SJR), Web of Knowledge ou ver qué revistas indizan as principais bases de datos da tua materia.

 

Como podo facer unha bibliografía e cal é a forma de poñer as citas bibliográficas?

A UDC está subscrita a Refworks, que é un xestor de citas bibliográficas que che permitirá crear a túa propia bibliografía, recuperar as referencias bibliográficas extraídas das distintas bases de datos, ordenalas e xestionalas. Podes consultar a guía de uso. Tamén podes utilizar Endnote (incluído no paquete WOS) ou os xestores sociais de software libre como Zotero (Firefox), Citeulike ou Connotea.

 

 

Que teño que facer para que a Biblioteca merque un libro que me interesa?

Primeiro tes que comprobar que ese libro non está no noso catálogo, a política da biblioteca é non duplicar fondos se non é imprescindible. Se non o temos podes facer unha solicitude de compra. Se es profesor necesitarás coñecer o prezo aproximado do libro para o que podes utilizar as seguintes bases de datos:

ISBN de libros publicados en España
Global Books in Print para libro extranjero

Se che interesa algún libro que esté agotado hai dúas bases de datos de libros e libreiros de vello na rede a través das que podes solicitar a compra deles:

Iberlibro

Estamos facendo un traballo en grupo, como poderíamos compartir o traballo de cada un e comentalo dende casa ou en calquera momento que non estemos xuntos?

O mellor é que utilicedes algunha das ferramentas que vos ofrece a “web social”. Podedes crear un blog ou un wiki. É moi doado e hai moitos servidores gratuítos na web para facer weblogs: Blogaliza, Blogger, LaCoctelera, ou WordPress en versión gratuita; ou wikis: Wikiespaces.

 

Gustaríame facer unha páxina da miña asignatura para que os alumnos podan acceder a ela e utilizar os recursos, poñer comentarios…


Podes utilizar un blog ou un wiki, ou ben crear o teu propio espazo na plataforma de información que máis utilices, a que dispoña de máis recursos na túa materia: CSA, Scopus, Elsevier… Lembra ademáis que tes a plataforma de elearning Moodle e que se non sabes utilizala nós podemos axudarte.

Gustaríame compartir os meus traballos científicos, que outros colegas os leran, os citaran nos seus traballos… Como podo facer?


Se se trata dunha tese, podes poñela na base de datos máis importante neste campo a nivel internacional, que é ProQuest Dissertations & Theses  (Proquest), e ademáis nalgún repositorio. Sendo investigador na nosa universidade tes que poñelo no Repositorio insttucional da UDC, pero tamén tes outros moitos de iterés: REPOSITORIO DIXITAL DAS UNIVERSIDADES CATALANAS, REPOSITORIO DIXITAL DA UPC , REPOSITORIO DIXITAL DA UCM


¿Que é o EEES?

É un proceso de carácter intergubernamental no que participan  universidades, estudantes, a Comisión Europea e outras organizacións. A finalidade é o establecemento dun Espacio Europeo de Educación Superior no ano 2010.
Podes obter máis información na web do Ministerio de Eduación, cultura e deporte.

 


 

 

Campus Elviña, 15071 (A Coruña)
981 167 000    Ext: 4649 ó 4643
Horario: 8:00 - 22:00


UDC
WEBMASTER |   INTRANET   CONTACTO 
Diseño y desarrollo: Artismedia