TFG, TFM, Teses

No estado actual de pandemia, estanse a producir no marco do Espazo Europeo de Educación Superior grandes cambios en relación coa docencia e a investigación que amplían o uso da aprendizaxe virtual e a investigación en rede.

A Biblioteca continúa coa súa labor de alfabetización en competencias informacionais e dixitais para o desenvolvemento de habilidades no uso da información por parte de toda a comunidade universitaria. Para o alumnado, esta alfabetización suporá a capacitación identificar as súas necesidades, localizar, acceder e avaliar á información relevante de forma crítica. Entendemos como Competencias informacionais o conxunto de capacidades que permiten ás persoas recoñecer cando precisan a información, buscala, xestionala, avaliala e comunicala adecuadamente. Trátase de capacidades necesarias para a aprendizaxe ao longo da vida e imprescindibles para a inserción e utilización no mundo laboral. Entre estas competencias están:

  • Recoñecermos a natureza e nivel de necesidade de información
  • Accedermos á información de modo eficaz e eficiente
  • Avaliarmos criticamente a información obtida e as súas fontes o Comunicar a información
  • Usarmos a mesma de forma ética e legal
  • Na creación de estratexias para a aprendizaxe, a Biblioteca ten como obxectivos principais:
  • Potenciar a utilización dos recursos de información dos que dispón a través das diferentes plataformas.
  • Ser un elo da cadea universitaria que contribúe a xerar e compartir coñecemento.
  • Contribuír á innovación docente como soporte da actividade investigadora.
  • Potenciar a utilización de estándares abertos, aumentando o depósito no Repositorio institucional (RUC).

Por mor da situación actual de inseguridade e incerteza ante o covid-19, a Biblioteca da Facultade de Ciencias da Educación utilizará, prioritariamente, a modalidade virtual para as súas formacións en competencias dixitais durante o curso 2020-21. Estas serán complementadas con obradoiros para un público reducido e asesoramento individual.

Se a situación o permite, as sesións individuais e de grupos reducidos (seminarios para PDI ou cafés(in)formativos) serán presencias, no entanto, sempre contemplaremos a opción virtual como alternativa.

A Biblioteca dispón de material de auto-formación na plataforma Moodle, á que poderá acceder calquera persoa da comunidade universitaria que o solicite. Igualmente, existe información na páxina web con video-titoriais, infografías, presentacións e guías sobre os recursos principais.

As sesións virtuais serán realizadas a través da plataforma Teams.

ALUMNADO DE TFG E TFM

COMPETENCIAS INFORMACIONAIS E DIXITAIS PARA O ACCESO E XESTIÓN DA INFORMACIÓN ACADÉMICA

 

Formación virtual que se complementa con contidos en Moodle. Consiste na realización de tres módulos dunha hora de duración cada un. Finalizada a sesión de formación común abrirase un espazo en que o alumnado poderá consultar as súas dúbidas, así como solicitar asesoramento sobre o tema do seu traballo.


O alumnado será quen de:

  • Identificar, localizar, obter, almacenar, organizar e analizar información dixital, avaliando a súa finalidade e relevancia para a realización do TFG.
  • Navegar, buscar e filtrar a información, datos e contidos dixitais
  • Avaliar a información, datos e contidos dixitais con espírito crítico
  • Xestionar a información, datos e contidos dixitais utilizando xestores bibliográficos.
  • Utilizar as TICs para a creación, comunicación e publicación da información.
  • Usar xestores bibliográficos para citar e crear bibliografías.
  • Crear presentacións dinámicas e pósters utilizando programas da rede.
  • Facer uso ético da información e evitar o plaxio.
  • Coñecer os dereitos de autor/a e licencias
  • Utilizar imaxes con licencia da rede
  • Citar e referenciar utilizando o estilo APA

Presentación del curso

Formulario de inscricíon para cursos de novembro 2020 

Presentación do curso

MÓDULO 1. A PROCURA DE INFORMACIÓN. ACCESO AO TEXTO COMPLETO

  • Normativa. Onde atopar TFG xa presentados.
  • Onde e como buscar a información
  • Analizarmos a necesidades de información
  • Seleccionarmos as fontes
  • Estratexia de busca
  • Avaliación da información
  • Da cita ao texto completo

MÓDULO 2. XESTIÓN E ORGANIZACIÓN DA INFORMACIÓN. REFWORKS. REDACCIÓN DO TFG. EVITARMOS O PLAXIO. ESTILO APA. A DEFENSA

  • Principais xestores bibliográficos

  • Refworks

  • Evitarmos o plaxio
  • Elaboración de citas e referencias bibliografía. O estilo APA
  • Obtención de imaxes copyleft
  • Axudas do SNL
  • Publicación no RUC
  • Ferramentas útiles utilizando as TICs
  • Presentacións dinámicas
  • Pósters

ALUMNADO DE DOUTORAMENTO

COMO BUSCAR E USAR A INFORMACIÓN PARA ELABORAR A TESE DE DOUTORAMENTO. Inscripción no Cufie

 

Virtual (Moodle) + presencial/virtual (Teams)
Curso en colaboración co CUFIE. 12 horas (6 h. teóricas en liña e 6 h presenciais .
Obxectivos e competencias:

  • Coñecer os servizos que a biblioteca ofrece ao alumnado de doutoramento para axudarlle na súa investigación e na elaboración da súa tese de doutoramento.
  • Citar correctamente as fontes consultadas na elaboración da tese de doutoramento e usar xestores de referencias bibliográficas para organizalas.
  • Identificar, localizar e usar os principais recursos de información que ofrece a biblioteca, particularmente aqueles especializados nas áreas de coñecemento onde desenvolven a súa investigación.
  • Facilitar estratexias para realizar buscas de información avanzadas e poder avaliar a información obtida.
  • Coñecer as boas prácticas para a busca, uso e a xestión dos datos de investigación.
  • Coñecer os pasos para incorporar a tese de doutoramento en acceso aberto no Repositorio da Universidade da Coruña (RUC).

 

Contidos:

Bibliografía e xestores bibliográficos.

  • As citas e as referencias bibliográficas.
  • Os xestores bibliográficos.

Busca de información

  • Definir as necesidades de información.
  • As fontes de información.
  • Que se publicou sobre un tema? : as buscas, as bases de datos e plataformas de recursos electrónicos .

A xestión dos datos da investigación empregados na tese.

  • Definición e ciclo de vida dos datos.
  • Plan de xestión de datos.
  • Como atopar datos de investigación

A presentación, arquivo e difusión da tese de doutoramento.

  • Recomendacións para a presentación da teses de doutoramento.
  • Arquivo e difusión da tese de doutoramento en acceso aberto no Repositorio Institucional.
  • A visibilidade das teses de doutoramento da UDC.

 

Infómate na biblioteca

educacion.bib@udc.es

881 014649