Doutor en Artes Visuais e Educación pola Universidade de Granada. Premio Extraordinario e Premio Nacional Fin de Carreira.Coordinador do Grupo de Investigación www.arte-facto.org. Membro do colectivo artístico Communiars www.communiars.org 

Profesor de Educación Artística na Universidade de Santiago de Compostela entre 2006 e 2009. Desde 2009 até a actualidade imparte docencia na Facultade de Ciencias da Educación da Universidade da Coruña. Conferenciante en máis de 80 xornadas de formación docente e convidado a diferentes congresos internacionais en Bos Aires (2006), Frankfurt (2007), Valencia (2007), Beja-Portugal (2008) Barcelona (2008), Vitoria-Brasil (2013), Lisboa (2015), Badaxoz, Braga e Lekeitio (2017), Sevilla (2018), Aspe (2019), Granada, Castellón, Tegucigalpa-Honduras, Montevideo (2020). Profesor invitado do Postgrao Internacional “Especialización en Educación Artística, Cultura y Ciudadanía” da Organización dos Estados Iberoamericanos, do Doutorado con Mención de Calidade "Artes Visuais e Educación" da Universidade de Granada, e do Mestrado de "Literatura, Cultura e Diversidade" da UDC. ​ 

Realizou estadías de investigación e cooperación en Nova Iork, CSIC-Alacant, Brasil, Porto, Londres, India e Grecia. As súas liñas de investigación e acción docente baséanse na formación inicial e continua do profesorado: activismo, arte contemporánea e fotografía narrativa, para o desenvolvemento dunha investigación educativa baseada nas artes desde unha vision vivencial dos procesos artísticos na aula. Autor de 4 libros, 20 artigos en revistas científicas de impacto e 15 capítulos de libro. Participou como investigador en máis de 15 proxectos financiados pola Unión Europea, a Axencia Española de Cooperación Internacional para o Desenvolvemento-AECID, o Ministerio de Educación e a Comunidade Autónoma de Galicia. É deseñador gráfico, ilustrador e fotógrafo de máis de 50 portadas de revistas e libros. Na actualidade dirixe 7 teses de doutoramento na UPV, USC, UDC e UGR.  

Foi vicedecano de Relacións Internacionais (2010-2012) e adxunto da Vicerreitoría de Estudantes, Deportes e Cultura da UDC (2012-2016), en que dirixiu o centro de intervención artística NORMAL (www.istoenormal.org) e o Servizo de Asesoramento e Promoción do Estudante, e Subdirector da Cátedra Inditex de Cultura na Universidade de Dhaka-Bangladesh (2019). Desde o 2010 até a actualidade é o coordinador do Itinerario de Artes Plásticas e Visuais do Mestrado de Educación Secundaria.  

Contacto: jose.mesias@udc.es