Ricardo García Mira é Catedrático de Psicoloxía Social, especializado en Psicoloxía Ambiental. Dirixiu o Grupo de Investigación Persoa-Ambiente da UDC desde 1995 ata 2022. Foi nomeado Catedrático Honorario polo Institute for Policy Research da Universidade de Bath, no Reino Unido, para o período 2016-2027. O 6 de decembro de 2018 foi investido Doutor Honoris Causa pola "Alexandru Ioan Cuza" University of Iasi. Nomeado membro "Fellow" da International Association of Applied Psychology. Foi Presidente da sociedade científica "International Association for People-Environment Studies - IAPS (2014-2018) e desenvolveu o cargo de Presidente do Instituto de Estudos e Investigación Psicosocial "Xoán Vicente Viqueira" desde 2004 ata 2022, ostentando actualmente o cargo de Presidente Honorario. Foi Deputado no Congreso pola provincia de A Coruña (Lexislaturas XI e XII, entre 2016 e 2019), tendo ocupado o cargo de Portavoz de Cambio Climático na Comisión para a Transición Ecolóxica. Durante este tempo foi tamén Secretario da Comisión de Economía e Innovación do Congreso, así como membro da Comisión de Educación e Cultura, e da Comisión de Ciencia, Universidades e Innovación. Coordenador do Consorcio Europeo ENTRANCES (2020-2023) sobre os aspectos sociais da transición enerxética, e membro do Consorcio Europeo TRIGGER (2022-2027) sobre o impacto do cambio climático na saúde. Foi o Coordinador do Consorcio Europeo LOCAW no proxecto de Reducción de Emisións no Lugar de Traballo (2011-2013), Coordinador do Consorcio Europeo GLAMURS no proyecto sobre Estilos de Vida Sustentables e Economía Verde (2014-2016) e Investigador Principal na UDC, Socio no Consorcio Europeo vinculado ao proxecto de investigación TRANSIT (2014-2017) sobre innovación social, todos eles patrocinados polo 7º Programa Marco da Unión Europea. Investigador Socio tamén no Consorcio Europeo CONNECTING (2017-2022) do proyecto sobre transformacións urbanas baseadas no uso dos recursos naturais, e investigador socio tamén no Consorcio SMARTEES (2018-2021) sobre transición enerxética e innovación social, ambos patrocinados polo programa Horizonte 2020 da Unión Europea. Tamén realizou investigacións sociais sobre o desastre do Prestige (2002-2008), sobre incendios en Galicia (2006-2007) e sobre modelado para a predicción de conducta ecolóxica no proxecto MADELS e no proxecto IDENTIDADES MÚLTIPLES. No ámbito editorial, forma parte do Consello Editorial de varas revistas internacionales como Journal of Environmental Psychology, Sustainability, ou Journal of Susatinability Research, e actualmente é o Editor Europeo do Journal of Architectural and Planning Research (desde 2005), tendo sido editor do Boletín Internacional "Bulletin of People-Environment Studies" (2004-2018). Conta con máis de cento vinte publicacións científicas nacionais e internacionais, e é colaborador habitual do Grupo Voz na emisora de RadioVoz e do xornal La Voz de Galicia. Algunhas publicacións pódense descargar de balde dende Academia.edu: https://people-environment-udc.academia.edu/RicardoGarciaMira    Blog: http://ricardogarciamira.com/