Sistema de información previa á matrícula

• Sesións informativas dirixidas ao alumnado do último curso das actuais titulacións e dos futuros graos da UDC.
• Incorporar unha sección específica sobre o mestrado na páxina web da facultade.
• Edición de material impreso (folletos e carteis).
• Foros de ámbito galego, estatal ou internacional en que participe a nosa universidade. 

O Sistema de Garantía Interna de Calidade (SGIC) da Facultade de Ciencias da Educación (véxase a directriz 9 do manual do SGIC do centro), dispón de varios procedementos orientados a contribuír ao cumprimento deste subcriterio. En concreto cabe mencionar os seguintes:

* (PC03) Perfís de ingreso e captación de estudantes: establécese o modo en que os centros da UDC definen, fan público e manteñen continuamente actualizado o perfil idóneo de ingreso dos seus estudantes para cada unha das titulacións oficiais que ofrecen, así como as actividades que deben realizar para determinar o perfil real de ingreso con que os estudantes acceden ás mencionadas titulacións. Así mesmo, establece as actuacións a realizar para elaborar, aprobar e levar a cabo un plan de captación de estudantes acorde co perfil definido e a oferta de prazas de cada unha das titulacións.

* (PC04) Selección, admisión e matriculación de estudantes dos centros da UDC: o obxecto deste procedemento é establecer a sistemática que se aplicará na matrícula de alumnado de títulos propios nos centros da Universidade e a posterior xestión académica.

* (PC05) Orientación dos/das estudantes: preséntase o modo en que os centros da UDC definen, fan público e actualizan continuamente as accións referentes a orientar os seus estudantes sobre o desenvolvemento do ensino de cada unha das titulacións que ofrecen, para que poidan conseguir os máximos beneficios da aprendizaxe.

As actividades de orientación serán as referidas a accións de acollida, titoría e apoio á formación.

* (PC10) Orientación profesional: o obxecto deste procedemento é establecer o modo en que os centros da UDC definen, fan públicas e actualizan as accións referentes á orientación profesional dos/das estudantes de cada unha das titulacións oficiais que ofrecen.

* (PC12) Información pública: ten por obxecto o establecemento do modo en que os centros da UDC fan pública a información actualizada, relativa ás que imparten, para o coñecemento dos seus grupos de interese.

Criterios de admisión e condicións ou probas de acceso especiais

As titulacións universitarias actuais terán a súa equivalencia nas futuras titulacións de grao do EEES, polo que deberán incluírse os novos graos que sexan equivalentes para efectos de docencia.

Segundo a normativa vixente (RD 276/2007, de 23 de febreiro, polo que se aproba o Regulamento de ingreso, acceso e adquisición de novas especialidades nos corpos docentes a que se refire a Lei 2/2006, do 3 de maio, orgánica de educación, e se regula o réxime transitorio de ingreso a que se refire a disposición transitoria decimosétima da citada lei), o requisito específico para o acceso ao corpo de profesorado de ensino secundario, de profesorado de música e artes escénicas, de profesorado de artes plásticas e eeseño e de profesorado de escolas oficiais de idiomas é estar en posesión do título de doutor/a, licenciado/a, enxeñeiro/a, arquitecto/a ou o título de grao correspondente ou outros títulos equivalentes para efectos de docencia e para o ingreso no corpo de profesorado técnico de formación profesional e mestres/as de taller de artes plásticas e deseño é estar en posesión do título de diplomado universitario, arquitecto técnico, enxeñeiro técnico ou o título de grao correspondente ou outros títulos equivalentes para efectos de docencia; por tanto quen, tendo unha destas titulacións, queira accede aos estudos do presente mestrado nunha especialidade distinta das anteriormente mencionadas, deberá superar as probas que estableza a Comisión de Selección do Mestrado. Do mesmo modo, aqueles/as alumnos/as que non acrediten unha titulación de idiomas equivalente, como mínimo, ao nivel B1 do Marco Común Europeo de Referencia para as Linguas, deberán realizar unha proba de lingua estranxeira.

A admisión axustarase ao establecido na normativa da UDC. Cando o número de candidatos/as sexa superior ao de prazas que se ofrecen, a selección realizarase seguindo os criterios establecidos pola Comisión de Selección do Mestrado aos que se lles dará a debida publicidade. En todo caso, darase prioridade ao expediente académico dos/as aspirantes e á titulación de acceso.

A UDC decidirá en cada curso académico as especialidades e itinerarios que ofrece, en función do número de prazas fixadas pola Consellería de Educación e Ordenación Universitaria e dos seus propios recursos, e procurará, en colaboración coas universidades de Santiago de Compostela e Vigo, realizar unha oferta completa a nivel galego e viable para cada unha das tres universidades.

En relación cos procedementos relacionados coa comprobación do dominio das competencias relativas á especialización, no caso dos/as estudantes que pretendan cursar unha especialidade, e, no seu caso, un itinerario, que non se corresponda coa titulación de acceso segundo o previsto na nosa memoria, a Comisión de Selección do Mestrado elaborará, de acordo co establecido na Orde ECI, unha proba para cada un dos itinerarios que se consideran, e tanto para o seu deseño como para a súa corrección contarase co asesoramento dos departamentos relacionados coa docencia do módulo de especialización do Mestrado. A Comisión de Mestrado e Doutoramento da UDC aprobará os contidos e procedementos para a corrección destas probas, o cal se deseñará de maneira coordinada coas outras universidades galegas.

1.  O Centro de Linguas ofrece ao longo do curso académico e en distintas convocatorias a posibilidade de realizar cursos que permiten obter a capacitación no nivel requirido e, en consecuencia, a certificación correspondente. Esta certificación debe obterse sempre con anterioridade á inscrición no Mestrado, pois ao inscribirse debe presentarse a documentación acreditativa do dominio dunha lingua estranxeira equivalente ao nivel B1 do Marco Común Europeo de Referencia para as Linguas. A información sobre a organización dos cursos está na páxina web do Centro: http://www.udc.es/centrodelinguas/organizacion.html. En relación coa acreditación de niveis, a información de referencia está accesible nestoutra ligazón: http://www.udc.es/centrodelinguas/niveles.html 
2. Co fin de acreditar esta condición, a Comisión de Selección do Mestrado tomará en consideración do referido no seguinte enlace: .https://www.udc.es/gl/futuros_estudantes/masteres/acreditacion-de-competencia-lingueistica/

Apoio e orientación ao estudante

• Sesión informativa ao comezo do Mestrado en que se explicarán os aspectos organizativos xerais deste e os sistemas de apoio e orientación dos que van a dispor.
• Elaboración de material informativo específico, que vai estar dispoñible na web da Facultade e do SAPE.
• Titoría nas materias do módulo.
• Titoría do Prácticum, para a que se consideran as figuras do/a titor/a do centro universitario e do/a titor/a do centro de prácticas.
• Concreción das liñas xerais establecidas no Plan de acción titorial da UDC ás características e necesidades do alumnado do Mestrado.
• A través de diversas materias do mestrado achegarase información sobre os sistemas de acceso á función docente e ás fontes onde obter información.

• Técnicas de Traballo e Estudo na Universidade
• Internet como Apoio para a Formación Académica e Recursos Multimedia
• Técnicas de Exposición Oral para a Presentación de Traballos
• Redacción Académica: Planificación e Desenvolvemento de Traballos de Investigación
• Uso de Moodle nos Estudos Universitarios
• Guía de Coñecemento dos Servizos da UDC
• Xestión Eficaz do Tempo
• Cuestións Xurídico-Administrativas na Universidade
• Incorporación ao Mundo Laboral
• Técnicas de Relaxación e Saúde
• Traballo en Equipo e Dinámica de Grupos

• Na páxina web do SAPE recóllese información sobre formación complementaria, formación de posgrao, programas de mobilidade, bolsas e premios, normativa académica etc. Alén disto, hai dispoñible un servizo de consulta telefónica, presencial ou electrónica, sobre todas estas temáticas.
• Semanalmente elabóranse dous boletíns: un con información actualizada sobre convocatorias de bolsas, premios, cursos, congresos e xornadas, e outro con información sobre actividades culturais e deportivas. O alumnado pode acceder a eles na páxina web do SAPE e mais no taboleiro reservado para tal efecto no centro. Se o solicita, tamén pode recibilos no seu correo electrónico.
• Dentro do SAPE, o Servizo de Asesoramento Educativo e Psicolóxico ofrece cursos destinados á mellora do rendemento académico (técnicas de estudo, como afrontar a ansiedade ante as exames, habilidades comunicativas, resolución de conflitos, técnicas para falar en público etc.). Tamén ofrece asesoramento e apoio naquelas problemáticas que poidan estar afectando negativamente ao rendemento académico.

Sistema de transferencia e recoñecemento de créditos

O sistema de transferencia e recoñecemento de créditos será o establecido pola UDC na Normativa de recoñecemento e transferencia de créditos para as titulacións adaptadas ao Espazo Europeo de Educación Superior, aprobada por Consello de Goberno o 22 de maio de 2008:
http://www.udc.es/informacion/ga/lexislacionenormativa/regulamentos/academica/Norm_tceees.pdf.

A UDC ten previsto aprobar nun próximo Consello de Goberno unha normativa que complemente a anterior.

Proponse que se estableza un acordo entre as tres universidades do Sistema Universitario de Galicia de maneira que a superación de calquera dos módulos deste mestrado nunha delas sexa recoñecida automaticamente por calquera outra en que se desexe continuar os seus estudos de Mestrado de Profesorado de Educación Secundaria.