Estructura do plano de estudos

Módulos formativos

Módulos horarios

Listaxe de actividades-probas

No seu momento, cando se realicen os encargos docentes, o profesorado responsable de cada unha das materias deberá especificar as actividades formativas, cos seus correspondentes tempos, e o sistema de avaliación.

Sistema de cualificación 

(Real decreto 1125/2003, de 5 de setembro, polo que se establece o sistema europeo de créditos e o sistema de cualificacións nas titulacións universitarias de carácter oficial e validez en todo o territorio estatal)

0-4,9: Suspenso (SS). 
5,0-6,9: Aprobado (AP). 
7,0-8,9: Notable (NT). 
9,0-10: Sobresaliente (SB).

Mecanismos de coordinación docente

O Sistema de Garantía Interna de Calidade da Facultade de Ciencias da Educación ten previsto o establecemento de mecanismos de coordinación docente para cada unha das súas titulacións. Neste sentido, dispón dun procedemento (véxase anexos directriz 9.ª) PC06 Planificación e desenvolvemento do ensino que ten por obxecto establecer o modo polo cal a Facultade de Ciencias da Educación da UDC garante que as ensinanzas que ofrece se realizan de acordo coas previsións, para o que planifica e implanta os seus programas formativos de modo que os/as estudantes consigan acadar os obxectivos definidos en cada unha das súas titulacións oficiais. Para iso, unha vez que a oferta formativa foi aprobada e difundida convenientemente, (PE03. Deseño da oferta formativa e PC01. Oferta formativa), e a partir da planificación das ensinanzas e o calendario do curso elaborado polo Consello de Goberno, a Facultade procederá a planificar a impartición das ensinanzas que se ofrecen e a implantar a mencionada planificación (Cap. III, art.11 dos Estatutos UDC). Para iso, os consellos de departamento (Cap. II, art. 67 Estatutos da UDC) teñen que elaborar e aprobar o POD, así como aprobar e coordinar os programas das materias das súas áreas de coñecemento e, de modo xeral, velar pola calidade da docencia encomendada ao departamento.

Así mesmo, a xunta de centro (cap. III, art. 11, Estatutos da UDC) elaborará a proposta do plan de estudos, organizará e supervisará as actividades docentes e participará, ao igual que os departamentos, nos procesos de avaliación da calidade da docencia nas titulacións do centro e da súa correspondente xestión. En consecuencia, antes do inicio do período de matrícula de cada curso académico, a XC (e por mandato desta a CGCC) comprobará a existencia dun documento estandarizado de Guía Académica de cada titulación coas correspondentes referencias ás diferentes materias que a compoñen, onde estean, como mínimo, os seguintes elementos básicos revisados e actualizados de acordo co proxecto GADU de implantación de guías docentes desenvolvido pola Vicerreitoría de Calidade e Novas Tecnoloxías que recolle: 

• Definición dos obxectivos do programa formativo.
• Características da materia no que respecta ao número de créditos, a súa distribución entre teoría e práctica, o período en que se imparte, a relación cos obxectivos do programa formativo e con outras materias etcétera.
• Obxectivos específicos das materias.
• Contidos do programa das materias incluíndo as prácticas asignadas.
• Prácticas das titulacións (plan de prácticum).
• Metodoloxía de ensino-aprendizaxe.
• Métodos e criterios de avaliación da aprendizaxe.
• Persoal académico responsable da materia e persoal colaborador.
• Bibliografía e fontes de referencia.
• Recomendacións para cursar a materia.
• Horarios e lugar onde se imparten as clases e as titorías.
• Calendario de exames.
• Actividades complementarias.

O equipo decanal responsabilizarase de favorecer a difusión da información anteriormente indicada para a súa accesibilidade e utilización polos diferentes grupos de interese das titulacións (estudantes, profesorado e PAS) impartidas polo centro.

Para facilitar o desenvolvemento da planificación docente do centro, a XC designará os coordinadores da titulación que considere necesarios, para evitar baleiros ou duplicidades nos diferentes programas formativos. En caso de non se producir o nomeamento destes coordinadores, a CGCC realizará as sesións que considere oportunas, convidando a participar nelas ao profesorado afectado, para garantir a coordinación correcta en todas as actividades do programa formativo. A CGCC establece medidas de control para favorecer o correcto desenvolvemento da planificación das ensinanzas e atende as reclamacións que poidan xurdir a teor do desenvolvemento dos diferentes programas formativos PA04. Xestión de incidencias, reclamacións e suxestións (véxase anexo da directriz 9.ª), establecendo as medidas correctoras oportunas consecuencia das desviacións apreciadas.

Prácticum

A normativa específica do Mestrado (ORDE ECI/3858/2007) establece respecto do prácticum que “se realizará en colaboración coas institucións educativas establecidas mediante convenio entre universidades e administracións educativas. As institucións educativas participantes na realización do prácticum terán que estar recoñecidas como centros de prácticas, así como os/as titores/as encargados/as da orientación e a tutela dos/das estudantes.” 

De acordo con isto, o prácticum realizarase en colaboración coas institucións educativas da comunidade autónoma de Galicia mediante convenio da(s) consellaría(s) con competencias en educación e a UDC. Tales consellarías fixarán, así mesmo, os requisitos para acceder á condición de centro e titor de prácticas. 

A finalidade do módulo de prácticum é posibilitar a toma de contacto directa coa organización e realidade dos centros de educación secundaria e a súa comunidade educativa, e co traballo docente nos diversos niveis en que se concreta (ESO, bacharelato, FP). A carga en número de créditos que se lle adxudicou é de 12.

De acordo coa dispoñibilidade dos centros de prácticas, proponse que o prácticum se desenvolva en dúas fases, de modo que permita a simultaneidade entre teoría e práctica, e facilite a adquisición das competencias persoais e profesionais que require a función docente. 

A primeira fase orientase á observación, análise e contraste da realidade dos centros desde a perspectiva que proporcionan as materias do módulo xenérico. A segunda fase céntrase na adquisición de competencias vinculadas ao desempeño das funcións docentes nos diferentes cometidos, espazos e tempos da institución educativa, incorporando, para iso, a perspectiva dos coñecementos adquiridos no módulo específico, relacionado coa especialización docente. 

Terá que deseñarse un plan de prácticas en que se concretarán aspectos relacionados coas funcións dos titores e titoras dos centros educativos e da UDC, as actividades de preparación e seguimento, as pautas e protocolos para a elaboración de informes, e, no seu caso, de guías de observación, diario de prácticas e outros recursos posibles, criterios e procedementos de avaliación etc.

A Orde ECI/3858/2007 integra o traballo fin de mestrado no módulo denominado Prácticum. No que respecta ás competencias que deben adquirirse, unha vez citadas aquelas que se relacionan co prácticum, indica expresamente que “estas competencias, xunto coas propias do resto de materias quedarán reflectidas no traballo de fin de mestrado que compendia a formación adquirida ao longo de todas as ensinanzas descritas”. Adxudícanselle 6 créditos.

Dadas as características deste mestrado, e a vinculación que a orde establece co prácticum, as condicións de organización, titorización, realización, presentación, e avaliación dos traballos de fin de mestrado serán obxecto dun regulamento do traballo de fin de mestrado. 

En relación coas normas de permanencia, os artigos 13, 17 e 19 do Regulamento de estudos de posgrao establecen os seguintes aspectos que cómpre considerar:
 

Artigo 13. Matrícula en inicio e continuación de estudos de do Mestrado

Os/as estudantes admitidos segundo o artigo 5 matricularanse por primeira vez do total dos créditos que figurasen na programación do primeiro curso da titulación de posgrao, ou nos módulos en que fosen admitidos.

Cada programa poderá establecer unha ordenación temporal dos módulos que deben superar en cada curso, así como os contidos, os módulos ou as materias que deben ser superados nun determinado curso académico.

Os créditos pendentes deberán ser obxecto de matrícula xunto coa programación do curso seguinte e poderán ser superados nunha convocatoria específica. Con independencia da realización das actividades necesarias para a superación de tales créditos, a súa anotación no expediente do alumno coincidirá coas datas das convocatorias ordinarias ou extraordinarias dos estudos de primeiro e de segundo ciclo ou de grao. A matrícula dos créditos non superados non dará dereito á modificación da programación do Mestrado.

A matrícula dos créditos cualificados como suspensos non dará dereito á modificación da programación do Mestrado. Será impedimento de matrícula durante dous anos a non superación de ningún crédito dese programa. Transcorrido este período o alumnado deberá someterse a un novo proceso de admisión no programa.
 

Artigo 17. Réxime de avaliación

Os/as estudantes terán dereito a unha avaliación anual para determinar as competencias e habilidades adquiridas, conforme co sistema que se estableza na guía docente.

O sistema de avaliación poderá ser por módulos ou por materias, dependendo da organización do programa segundo o establecido no artigo 2.

A avaliación concedida poderá ser revisada segundo a normativa vixente na universidade.

As materias cursadas por segunda vez, de conformidade co disposto no artigo 11, serán avaliadas cos sistemas xerais ou específicos que se determinen na guía docente.

O control presencial poderá formar parte do sistema de avaliación, e a programación docente poderá esixir que, para superar determinadas materias, deba acreditarse a asistencia cando menos no 80 % das actividades presenciais programadas. Para estes efectos se establecerá un sistema de control presencial obxectivo.
 

Artigo 19. Alumnado que non superou o programa

Aos/ás estudantes que non están en condicións de obter o título de Mestrado poderáselles conceder un certificado acreditativo da súa asistencia. Este documento non poderá ter un formato que induza a confusión co título de posgrao oficial.

MÓDULOS O MATERIAS:

A continuación se indican las diferentes materias que componen cada módulo: